Endama Koordînasyonê PAJKî Nalîne Gulan ajansê ma rê Komployê 9ê Teşrîna Verêne ercna. Qiseykerdişê Nalîne Gulan ra tay noqtayê girîngî wina yê:

''Rayber Apo bi wesîleya ney ke cinîyî seba azadîya xo têkoşîn bikerê. Coka ganî cinîyî vera komployî bi xurtî xo ver bidê. Erkê ma yo ke ma komployî pûç bikerê. Komplo şexsê Rayber Apoyî de vera xeta cuya azade ame kerdene. Rayber Apoyî vera sîstemê kapîtalîzmî sîstemêkpo alternatîf awan kerd. Ey cinîyî kerdî wayîrê îradeyî. Coka komplo zafêr vera têgêrayîşê azadîye yê cinîyan bi.

Hêzanê kapîtalîstan vatêne ke eke Rayber Apoyî esîr bikerê do têgêrayîşê azadîye zî tasfîye bibo û kurdî îmha bibê. La Rayber Apoyî vera ney xo ver da û serkêşîya qewimîyayîşanê girîngan kerde. Ey verê partîbîyayîş û artêşbîyayîşê cinîyan akerd. Sere de YJA-Star çar parçeyan de rêxistinîyê cinîyan ronîyayî. Nê destkewteyî netîceya xoverdayîşê cinîyan û kedanê Rayber Apoyî de ameyî vistene destî. 

Ma do her wextî ra zafêr seba azadîya Rayberê Şarê Kurdî Abdullah Ocalanî şer bikerê. Erkê ma yo tewr girîng caardişê azadîya Rayber Apoyî yo. Ganî pêro cinî, ciwan, kedkar, bindest, karker, roşnvîrî ûsn. seba azadîya Rayber Apoyî têkoşîn bikerê. Bi nê hawayî ma eşkenê komployî zî bin bivisnê.

Komplogerî seba ke têkoşînê ma bin bikerê her rayîrî şuxilnenê. Dewleta tirke cinîyan rê fuhuş, ajanîye û madeyanê tîryakîyî ferz kena. Cinîyî her roje raştê hêrişan yenê. Vera nê kerdişan û hêrişan ganî ma têkoşînê xo pîlêr bikerê. 

Teşrîna verêne menga şehîdan a. Bi na wesîle şexsê embazanê ma yê cinîyan de ez pêro şehîdanê têkoşînî bi rêz û minetî yad kena. Dewa û hedefê şehîdanê ma do tim rayîrê ma roşnî bikerê. 

Ganî cinîyî her warê cuye de cabigêrê, xo aver berê, hêzê xo bişinasnê û derheqê cuya xo de bi xo qeraran bigêrê. Zanistê Jineolojî na babete de zaf girîng o. Cinîyî serkêşîya nê zanistî de vera sîstemê kiştoxê cinîyan ganî her roje şer bikerê. Ganî cinîyî paştdayîşê xo pîlêr bikerê. Ewro cinî û merdimatîye vera komployî xoverdayîşêkê pîlêrî kenê. Ma her wextî ra zafêr nêzdîyê azadîye yê. Ganî ma nê firsendî biercnê.''