Komeleya Rojnamegeran a Dîcle-Firatî (DFG), Komeleya Xebatanê Huqûq û Medya (MLSA), Dîsk Basin-Îş, Sendîkaya Rojnamegeranê Tirkîya (TGS) û Komeleya Rojnamegeran ê Cinîyan a Mezopotamya (MKG) venga pêro kesan da ke 24ê teşrîna verêne de, Mehkemeya Cezaya Girane ya Amedî de, tewrê roniştişê dewaya vera Hemsereka DFGyî Dîcle Muftuoglu bibê.

Dîcle bi îdîaya 'endamî û îdarekarîya rêxistine' yena muhakemekerdene. Eşkerayîye de dîya zanayene ke Dîcle 306 rojan ra nata tepişte ya û derheqê ci de cezaya zîndanî ya 37,5 serran yena waştene. 

Eşkerayîye de ame îfadekerdene ke Dîcle xebatanê xo yê rojnamegerîye ra yena muhakemekerdene.

Eşkerayîye de wina ame vatene: ''Ma venga pêro kesan danê ke heqanê Dîcle û pêro rojnamegeran bipawê, paştî bidê nînan. Rojnamegerîye parçeyêkê demokrasîyî yo û pawitişê rojnamegeran zî pawitişê azadîya îfadeyan o.''