Anqara û Nîgde de 2 cinîyî ameyî qetilkerdene

Anqara de Emîne Yanikoglu hetê camêrdî ra ke tede zewijnaye bîye, Nîgde de zî Suheyla Yilmaz hetê camêrdî ra ke vera dabi, ameyî qetilkerdene.

Taxa Yayla ya qezaya Keçîorenî ya Anqara de Emîne Yanikoglu hetê camêrdî ra ke tede zewijnaye bîye pê çekêke ameye qetilkerdene. Emîne mudaxeleyê verênî yê ekîpanê weşîye ra dima wedarîyaye nêweşxane la rixmê pêro xîretan dinyaya xo bedilnaye. Camêrd S.Y. pê çeka xo ame destbendkerdene.

Nîgde de zî Suheyla Yilmaz (28) dadî û babîyê xo reyde maruzê herişê Burak Kahramanî bîye. Suheyla Yilmaz wextêkî verê cû Burak Kahramanî ra bibî cîya. Ekîpa weşîye da zanayene ke Suheyla Yilmaz cayê serebûtî de dinyaya xo bedilnaye. Dadî û babîye Suheyla zî wedarîyayî nêweşxane. 

Burak Kahramano ke serebûtî ra dima remabi, dima ke ame destbendkerdene hetê mehkeme ra ame tepiştene.

 Suheyla dewa Hacibeylî de ameye definkerdene.