Endama Konseya Komuta ya HPG û YJA Star‘î Suna Kizilkaya (Armanc Goşkare) Almanya de bi aktîvîteyanê cîya cîyayan ameye vîrardene.

BERLÎN

Paytextê Almanya Berlîn de bi aktîvîteya ke bi seyan kesî tewrcê ci bîyî Suna Kizilkaya (Armanc Goşkare) ameye vîrardene.

Parlamenterê HDP’yî yo verên Demîr Çelîk zî tewrê aktîvîteye bi. Çelîkî şexsê Armanc Goşkare de heme şehîdî yad kerdî û vat ke ez sey merdim û hemrayê Armanc Goşkare wazena ke ziwanê maya ma Dimilkî qisey bikerî û wina dewam kerd: ‘‘Ma ganî veng  bidê vêngê xoverdayîşê Leyla Guvene û Armanc Goşkaran û mucadeleyî gird bikerê. Ma Elewîyî tim nêvanê ma cayê mazlûman de yê? Eke ma yew bibê û xeta Mazlûman û Berîtanan de xoverdayîş xurt bikerê, ma eşkenê dîktatorîya faşîst a AKP-MHP’yî ser û bin bikerê.

FRANKFÛRT

Bajarê Frankfûrtî de zî YJK-E’yî yê Hessenî Universîteya Goethe de semedê yadkerdişê Armanc Goşkare aktîvîteyêk organîze kerde. Bajaranê Giessen, Mainz, Damrstadt, Offenbah, Hanau û Russelsheîmî ra bi seyan kesî tewrê ci bîyî.

Bi nameyê TJK-E’yî Zelal Amede qisey kerd û bale ante muhîmîya xoverdayîşê cinîyan ser. Amede vat ke embaze Armance ramot ma ke xoverdayîşê cinîyan rixmê heme şertanê zehmetan senî beno xurt û ma zî do xeta aye de bi gamanê pîtan aver şirê.

KOLN

Koln de zî hetê Meclîsê Cinîyan ê Vîyane ra semedê vîrardişê Arnmanc Goşkare aktîvîteyêk ameye organîzekerdene. Vîrardişî de hemsereka KOMAW’î û maya di şehîdan Şengê Kahramane qisey kerd. Kahramane vat ke ez bi xo embaze Armance nêzdî ra nas kena. Sereberz bi gamanê biqerarî xeta Rayberîye de aver şiyêne. Ma zî do rêça aye de mucadeleyî gird bikerê.