Platformê Ma do Qetilkerdişê Cinîyan Vindarnê (KCDP) raporê xo yê şîdet û qetilkerdişê vera cinîyan ê aşma nîsane eşkera kerd. Goreyê naye aşma nîsane de 20 cinîyî bi hawayêkê şikdarî  hetê camêrdan ra ameyî qetilkerdene.

Eşkerayîye de bale ameye antene vîrusê Korona ser û ame vatene ke seba ke keye de yeno mendene cuyeya cinîyan zafêr bîya bizor. Cinîyê ke tewr zaf keyeyan de şîdet vînenê nika mecburê ke pîya bi camêrdan bimanê. Coka ganî şertanê rojanê ma de semedê cinîyan tedbîrê cîyayî bêrê girewtene.

Goreyê raporê KCDPyî sebebê kiştişê 14 cinîyan nîno zanayene, 2 cinîyî rîyê bahaneyê ekonomî ra, 4 cinîyî seba ke nêwaşto bêrê wêre û verdayîş waşt ameyî qetilkerdene. Rapor de ame vatene ke ganî cinîyî hetê kamî ra qey ameyî qetilkerdene bêrê tesbîtkerdene û qetilkarî bêrê cazekerdene ke vernîya şîdet û qetilkerdişî bêro girewtene.