Platformê Ma do Qetilkerdişê Cinîyan Vindarnê (KCDP) raporê xo yê şîdet û qetilkerdişê vera cinîyan û domanan ê aşma gulane eşkera kerd. Goreyê naye aşma gulane de 21 cinîyî hetê camêrdan ra ameyî qetilkerdene.

Eşkerayîye de bale ameye antene vatişê Wezîrîya Zereyî yê 'qetilkerdişê cinîyan kêm bîyo' ser û ame vatene ke rojêke de 5 cinîyî ameyî qetilkerdene. Rapor de dîya zanayene ke 18 cinîyî bi hawayêkê şikdarî ameyî qetilkerdene û ame vatene ke heta ke qetilkarî eşkera mebî û merê cezakerdene do hêrişê vera cinîyan û domanan zî dewam bikerê. Reyna bale ameye atnene ke prosesê Korona de şîdetê vera cinîyan zêdîyayo û vera meşrukerdişê îstîsmarê vera domanan nêrazîbîyayîş ame ramojnayene. Platformî vist vîrî ke tay akesmîyenî televîzyonan de derheqê zewajê domanan de qisey kenê ke îstîsmarê vera domanan sey meşrû ramojnê û vat çîyo wînayên nîno qebulkerdene. Rapor de ame vatene ke ganî cinîyî hetê kamî ra qey ameyî qetilkerdene bêrê tesbîtkerdene û qetilkarî bêrê cazekerdene ke vernîya şîdet û qetilkerdişan bêro girewtene.