Fermandaranê YJA-Starî ra Asrîne Cûdî xoverdayîşê gerîlayan, şîdetê vera cinîyan, Peymana Îstanbulî û girîngîya jîneolojî ANFyî rê ercnayî.

Asrîn Cûdî vat: ''Semedê teda û zorbazîye ra ma  ameyî verê xo da koyan. Şîdetê zereyê keyeyî beno sebeb ke cnîyî verê xo bidê koyan. Ma tîya ra babeta Peymana Îstanbulî zî teqîb kenê, serebûtanê tecawuz, kiştiş û qirkerdişê cinîyan zî nêzdî ra teqîb kenê. Peymana Îstanbulî meseleyanê cinîyan û komelî çareser kena. Îqtîdarê AKPyî de hêrişê vera cinîyan zêdîyayî.AKP seba ke îqtîdarê xo mende bikero bi konseptêkê pêroyîyî têgêreno û hêrişê cinîyan keno. Xora têna Tirkîya de nê mavê Ewropa de zî cinîyan rê şîdet yeno kerdene. Tarîxê serdestî xo bi pedeşahîye afernayo. 

Hêzê cinîyan esto ke bi rêxistinîye hêzê xo bimojnê û faşîzm birijnê. Tay dezgehê cinîyî wina vera şîdetê vindenê. No tewirêko fîraz o. Wexto ke cinîyî vejîyenê meydanan merdim eşkeno hêrsê AKPyî bivîno. Seba ke şîdet qebul nêkenê cinîyî tepişîyenê. Wekîlê cinîyî yê AKPyî nasnameyê cinîyan raşt nêwanenê û nêeşkenê vera şîdetê tewirê xo bimojnê.

Jineolojî îlmê cuye yo, îlmê cinîyan o û bi destê cinîyan yena averberdene. Nika Kurdîstan de zî modelêko newe yê însanî virazîyeno. Raştîyêka femînîzmî esta ke bi serran o ke Ewropa de her ca de xo mojnena. Na raştî û xoverdayîş ewro Rojhelatê Mîyanênî de zî estê. Şorişê Rojawanî mîsalê ney o. 

Gerîla bi xoverdayîşê xo jineolojî, felsefe û raştîye de israr kenê. Rayber Apoyî netîceya pêro meseleyan de verê xo dayo jineolojî. Seba ke na zanistî vila biba çi kewena milê ma ma do bikerê. Gerîlayê cinîyî yê ke Heftanîn de şer kenê aslê xo de têkoşînê cinîyan kenê. Jineolojîya ma do artêşa tirke û îşxalan çin bikera. Têkoşînê cinîyan xoverdayîşê gerîlayan koyanê Kurdîstanî de resayî tewr berzî.''