A fermandare û şorişgêrêka cinî ya. Îzmîr de dadîya xo ra bîye, zanîngeh teriknena û serra 1997î de beşdara PKKyî bena. A cinîyêka şorişgêr û koyî ya. 11ê teşrîna peyêne ya 2017î de 12 embazanê xo reyde şehîd bîye.
Azê Malazgîrt serra 1976î de Îzmîr de dadîya xo ra bena û Çanakkale de têgêrayîşê PKKyî şinasnena. Azê Malazgîrt (Asli Ozkaya) 18ê adare de zanîngeh teriknena û bira şorişgêrîye dana. Serra 1997î de verê xo dana warê Rayberê Şarê Kurdî Abdullah Ocalanî Sûrîye. Şorişgêrîya xo ya 20 serran de Azê temamîya koyanê Kurdîstanî ra gêrena û fermandarîya gerîlayan kena. Seba azadîya şarê xo agêrena kokê xo ser. Bi hêzaran gerîlayî na cinîya koyî û sêrkeşe şinasnenê.
Azê Malazgîrt Çanakkale de wextê zanîngehî de komêka embazanê xo reyde tewra PKKyî bena. Azê bi perwerdeyê Rayberê Şarê Kurdî, bi fikranê ey mesuldarîyêka pîle gêna xo ser.
Azê Malazgîrt bi seyan şerwan û cinîyê koyîyî, bi seyan gerîlayê cinîyî perwerde kedî. a hem şorişgêrêke hem zî fermandarêka şerî û zanist a. Embaze Azê Zagrosan de, Behdînan de, Besta de û koyanê Vakurê Kurdîstanî de raywana azadîye bîye.
Azê Malazgîrt seba ke koyîyî bê ziwanan yewbînan bişinasnê deyîrê cîya-cîyayî vatî. A bi deyîra Hewremanî şinasîyena. Fermandara koyîye perwera kulturê Kurdîstanî û têkoşînê koyan bîye.
3ê teşrîna peyêne ya 2017î de herêma Besta de vera gerîlayan operasyonêko gird dîya destpêkerdene. Nê operasyonî de bi hezaran kontragerîla, qoricî û leşkerê tirkî estbî. Operasyonî hewteyêk dewam kerd. Fermandara cinîye Azê Malazgîrt 11ê teşrîna peyêne ya 2017î de 12 embazanê xo reyde bi çêrî şer kerd û şehîd bîye.
