Vervatoxa Meclîsê Cinîyan ê HDPyî Ayşe Acar Başaran bînaya merkezî ya partî de rojdem ercna.

Qiseykerdişê Başarane ra beşêk wina yo:

''Cinîyî vera veradayîşê Musa Orhanî nêrazîbîyayîşê xo mojnenê. La ma vînenê ke îqtîdar wayîrê Musa Orhanî vejîyeno. Her roje Îpeke Er sey sûcdar yena mojnayene. Seke ey zî vat 'Musa Orhanî rê çîyêk nêbi.

Menga tebaxe de 27 cinîyî ameyî qetilkerdene. Zafêrê ci zereyê keyeyê xo de hetê mêrdeyê xo ra kişîyayî. Eke Wezaretê Keyeyî destpêkê janî de asayîşê cinîyan bîyardêne ca netîce wina nêbîyêne.

Îqtîdarî sûcdarê şîdetî vera dayî. Reyna îqtîdar wayîrê tecawuzker û îstîsmarkeran vejîyeno. Ma babeta Musa Orhanî de no dî. Îqtîdar seba cinî û domanan warêkê winasênî awan keno.

Ma meseleya Tuma Çelîkî de tewirê xo bi hawayêkê kifşî mojna. La îqtîdar na mesele kerd hacet û hêrişê ma, têkoşînê cinîyan, têgêrayîşê cinîyan ê kurdan, têgêrayîşê femînîstî keno.

Nadîra Kadîrova keyeyê Şîrîn Unalî de bi hawayêkê şikdarî merde. Îqtîdarî se kerd? No serebût mîyan kerd. Êyê ke ma ra hesab persenê nêeşkenê hesab bidê. AKP pêro dezgehan de camêrdîye awan kerde û camêrdîye sey hacetê hêrişî xebitneno. Cinîyî nê welatî de biasayîş nîyê.''