Vervatoxa Komîsyonê Huqûqî û Heqê Merdiman yê HDPyî û Parlametera Batmanî Ayşe Acar Başarane operasyonanê qirkerdîşê sîyasî ser eşkerayîyêka nuştekî da.

Başarane arde ziwanê ke koalîsyonê AKP-MHPyî bi şiknayîşê beran û antişê çekan startê weçînayîşê herêmî  dayo û va:‘‘ Merkezê ci Amed a pîya 8 bajaran de nême şewe de operasyonî ameyî viraştene 151 sîyasetmedarî û akîtîvîstî  û 6 rojnamegerî ameyî tepiştene. Polîsan berê şarî şiknayî û çek dartî sere hemwelatijan û wina tepiştî.‘‘

'MA ŞIMA RA NÊTERSENÎ!‘

Başarane vist vîrê ke serra 2009î ra îqtîdarê AKPyî sey heydûtan operasyonan virazeno û wina qedîna:‘‘ Îqtîdar Îtîbaro ke çimê şarî de vînê kerdo nêzanî senî pêser bigerî. No semed ra bîyo har kewtî mîyan şarî. Heydût û dizdî beran şiknenî û ê ke ecizê çek darene rojnameger û sîyasetmedaran. Ma bêhuqûqîye hakîman û zextê polîsanê şima ra nêtersenî."