Vervatoxa Meclîsê Cinîyan a HDPyî Ayşe Acar Başaran  hesabê medyaya sosyale yê HDPyî de derheqê rojdemê cinîyan de eşkerayîye daye.

Başarane vat: ''Îqtîdar nê janî de vano keye de bimanê la şertê mendişê keyeyî awan nêkeno. Cinîyan rê vano 'keye de hêrişî reyde, şîdetî reyde bimanê.' Îqtîdarê AKP-MHPyî tim dişmenîya kurdan û cinîyan keno. Hetê bînî ra vera Birêz Ocalanî 21 serran ra nata tecrîd dewam keno. No jan sere de Birêz Ocalanî rê, pêro tepişteyan rê gef waneno. Ganî tecrîd bêro wedaritene û derheqê weşîya Ocalanî de eşkerayîye bêra dayene. Zîndanan de bi hezaran tepişteyî terkê mergî ameyî kerdene. Heta ke pêro tepişteyî bêrê veradayene, têkoşînê ma do dewam bikero.

10 cinîyan ra 2 cinîyî eşkenê bixebitê û karêk peyda bikerê. La cinîyan rê karê erzanî û bêsîgorta yenê ferzkerdene. Nê prosesê janî de tewr zaf cinîyî karî ra ameyî vetene. îqtîdar bêkarîya cinîyan mîyan keno.''