Îstatîstîkê serê nisbetê cinîyan ê beşdarbîyayîşê karî Îranî de ameyê kerdene, Bernameya Berzbîyayîşê Neteweyê Yewbîyayeyî ra ameyê girewtene.

Na çarçewa de, Merkezê Îstatîskanê Îranî her serre derheqê netîceyanê rewşa hêzê karî de cigêrayîşan weşaneno. Merkez rewşa bazarî ya 10 serran a mîyanê 2008-2017î ercneno. Îstatîstîkê ekonomî nîşan danê ke bazarê karî de bêtêduştîya mabênê cinî û camêrdan de ya çiqas gird a. Yeno texmînkerdene  wextê dîyarkerdişî de resayîşê camêrdan ê karî 4 qatî goreyê cinîyan zêdetir o.

Goreyê îstatîskan nê des serran de beşdarbîyayîşê camêrdan ê bazarê karî se ra 63’yê yo û ya cinîyan zî se ra 14 o. Îran de her se kesanê ke xebîtênê ra 84’ê ci  camêrd ê, teyna 19’ê ci  cinî yê.

Goreyê hemeyê îstatîskanê 2017’î resayîşê camêrdan ê mabênê bazarê karî se ra 71,4 o, yê cinîyan zî se ra 16, 8 o.

Nê doneyî nîşan danê ke bazarê karî binê bandurê camêrdan de yo. Demo ke merdim sewîyeya perwerdeyî de nîya bido, yeno vînîtene ke bazarê karî de bêtêduştîye ra qet çîyêk nêvurîyeno. Mîyanê komelî de se ra 46’ê ke perwerdeyê pêroyî ra derbaz benê cinî bibê zî, resayîşê bazarê karî de nisbetê cinîyan teyna se ra 9 o. Yanî 100 cinîyanê perwerdedîyayîşan ra teyna 10 hebî xebitîyenê.

Mîyanê gruba perwerdeyo berz dîyayeyan de,  nisbetê cinîyan ê mabênê bazarê karî se ra 37 o. Na grube de nisbetê cinîyan beno nêmeyê camêrdan.