Endama Komîteya Merkezê PKKyî, Konseya Fermandarîya YJA-Starî û HPGyî Çîçeke Botan (Hacer Kaya) 4ê teşrîna verêne de qezaya Pilêmurîye ya Dêrsimî de, endama Konseya Rayberdişî ya PKKyî ûFermandara Herêma Botanî Delale Ehmed (Hulya Eroglu) 11ê teşrîna peyêna 2017î de Şirnex de, Fermandara YJA-Starî Medya Mawa (Emîne Kaya) 30ê êlula 2018î de Bagok de, Fermandara YJA-Starî Pîroze (Menîce Ogreçî) 27ê teşrîna verêna 2017î de Zap de, Evîne Rizgar Amed (Nevîne Gungormuş) 24ê êlula 2019î de Amed de, Fermandara Eyaletê Erziromî Şevîne Bîngol (Hulya Kul) 22ê temmuza 2019î de Çewlîg de şehîd bibî bi merasîmêkî şaristanê Bernî yê Swîsre de ameyî yadkerdene.

Merasîm bi deqayêkê rêzgirewtişî dest pêkerd. Merasîm vengdayîşê Yewîya Kurdan a Swîsre (YJK-S) ser o û bi beşdarbîyayîşê bi seyan kurdîstanijan ê Merkezê Komelê Demokratîkî yê Bernî ame kerdene. Qiseykerdişê destpêkî hetê Komîteya Keyeyanê Şehîdan a Swîsre ra ame kerdene. Aktîvîsta Têgêrayîşê Cinîyan ê Kurdan ê Ewropa (TJK-E) Done Guzel qisey kerd û vat: "PKK partîya şehîdan o. Xoverdayîşê PKKyî ewro derbazê sînoranê Kurdîstanî kerd û bi xoverdayîşo mîyanneteweyî. Ma soz danê ke ma do nê têkoşînê şehîdan bi serkewtişî tacîdar bikê." Dima derheqê şehîdan û ercnayîşanê Rayberê Şarê Kurdî Abdullah Ocalanî de sînevîzyonêk ame mojnayene.  Merasîm bi sloganê ''Şehîdî nêmirenê'' qedîya.