Perîşane Pekbey (55) debarê xo pê keda destanê xo kena. Perîşane punca ser o motîfê Herêma Serhedî neqş kena û bi nê hawayî nê kulturî zî dana dewamkerdene.

Perîşane hema domane bîye hetê keyeyê xo ra ameye zewijnayene. Perîşane kena ke vera feqîrîye bi viraştişê puncan têkoşîn bika. Perîşane vat: "Mêrdeyê mi nêweşîya xo ra nêeşkeno bixebito. Ez zî keye de xebitîyena, pere qezenç kena. Destê mi ra sewbîna çi nêno. Ez zî dewam kena ke puncanê purtênan biviraza ke ez dadîya xo ra musa. "

Perîşane îfade kerd ke 4 rojan de eşkena têna puncêk viraza û wina dewam kerd: "Destê mi, milê mi û engiştê mi zaf dejenê la ez bi hawayêkê bieleqa puncan virazena û tekê înan 10-15 tl ra roşena. Kam kamyew motîf biwazo puncan ser o înan neqş kena. Krîzê ekonomîkî ra verî mi lay hîna erjanêr girewtêne. Nika layî bîyî vay. La ez puncan bi heman vaye roşena. Çunke çew nêwazeno bigêro. Her kes nika derdê debarê xo keno."