Paytextê Belçîka Bruksel de bi hezaran cinîyî pê şîarê 'Roja Çalakîya Neteweyîye ya vera Şîdetê Serê Cinîyan' vejîyayî meydanan û înan çalakîya raşraşîyayîşî kerde. Têgêrayîşê Cinîyan ê Kurdan ê Belçîka zî tewrê rayraşîyayîşî bîyî.

Cinîyî ver bi Qesra Edaletî rayîr a şîyî û dima agêrayî noqtaya destpêkê çalakîye. Cinîyan ê kurdan pankarta sey 'Vera qirkerdişê cinîyan rê ney', 'Vera şîdetê camêrdan vejîyê kuçeyan akerde û alayê YPJ û TJK-E kiriştî.

Kortejê cinîyan ê kurdan çalakîye de deyîrê kurdkî vatî û xeylêke bale ante xo ser. Têgêrayîşê Cinîyan ê Kurdan çalakîye de mesajê xo wend û vat: ''Cinîyê kurdî sembolê şorişê Rojawanî û têkoşînê cinîyanê dinya yê. Cinîyê kurdî ewro benê îlhamê têkoşînê pêro cinîyan.''