HDP çarçewa kampanyaya 'Cinîyî her ca de yê' 5 şaristanan de do bale biancê kişîyayîşê cinîyan û merganê şikdaran ê cinîyan ser. Çalakîyî 8ê temmuze de çar serrnameyan ser o do dest pêbikerê; îstîsmarê domanan, qanûnê înfazî, qeyûm û şîdetê vera cinîyan. Hemsereka HDPyî ya Îstanbulî Elîfe Bulut pare kerd ke ê do çalakîyanê xo 5 şaristanan de bi hawayêkê hemwextî bikerê û venga cinîyan da ke paştî bidê çalakîyan.

Hemsereka HDPyî ya Îstanbulî Elîfe Bulut ANFyî reyde qisey kerd û vat: ''Ma seba her hewte babetêke weçînaye. Ma seba ke rojdemo verên cinîyî bibo û goş bêro dayene ma ser ma det pê na kampanya kenê. 5ê temmuze de ma xeylêk cayan de dest pê rayraşîyayîş û nawnayîşan do bikerdêne û 12ê temmuze de zî fînal bikerdêne. Labelê Korona çalakîyanê ma rê tesîrêko pîl kerd û ma neçarî ra çalakîyê xo taloq kerdî. Nê hewteyî, ma herêman de eşkerayîyan bidê. Ma vera kişîyayîşê cinîyan vinderê.Şîdet û qetilkerdişê cinîyan Tirkîya de hînî bîyî normal. Coka ma wazenê ke nê babetan bivisnê rojdem.

Hîşmendîya îqtîdarî ya ke şîdet hende asan kerdo, tesîrê waranê bînan zî keno. No têkoşîn têna têkoşînê HDPyî nîyo têkoşînê pêro cinîyan o. Ganî ma rêxistinîya xo xurt bikerê. Îqtîdar vera hêzêkê rêxistinbîyayeyî tim do gamêke apey bierzo.''