Dêrsim de ke tede bi hezaran tewirê vaşî estê seserran ra nata tradîsyonê şîfa dewam keno. Cinîya dêrsimije Sanîye Îldenîz zî nê tradîsyonî dana dewamkerdene.

Sanîye senî ke pîrika xo ra musaya vaşanê Dêrsimî ra dermanan virazena. Sanîye îfade kena ke a û pîrika aye nêverdenê ke vaşêk zî zayî bibo. Sanîye vatişê pîrika xo ya 'Her vilika ke hinge şina ci bigêre' ser o 40 vilikan ra 14 rîçelî viraştî.

Sanîye vana: ''Ez 12 serrî Çimeyê Munzurî yê Pulurî de menda, koyanê Munzurî de gêraya. Mi reya verêne uca de tewir bi tewir vaşî dîyî. Ez pê ceribnayîşî faydeyanê vaşan musaya. Pîrika mi zaf hewes kerdêne, bexçe de pêro vaşî xebitnayêne. Ez vaşan ra seba şîfa bêpere dermanan virazena. Wexto ke ez darêke ra çîyêk qerifnena tira uzrê xo wazena. Heta ke wextê ci nêro ganî çîyêk nêro qerifnayene. Ez pincêk gêna, pê torbayan çîyêk arê nêdana. Ez zanena ke xoza gandar a. Eke wayîrê hasmênî esto wayîrê erdî zî esto.''

Sanîye gulik, ribêse, kilawek, pelonvaş û tolikî ra krem, sîrke û dermananê cîyayan virazena. Dermanê aye seba ulser, nêweşîyanê çermeyî, gijikî, serdî û xebitîyayîşê velg û roqilayan şîfa yê