Gerîlaya YJA-Starî Amara Serhat pê nameyê xo yê raştikênî Aycane Kolu serra 1996î de Qereyazîya Erziromî de dadîya xo ra bena. O çax vera keye û şarê aye hêrişê pîlî benê. Aycane mîyanê nê hêrişan de her hêle pê hesretê azadîye û xelisnayîşî ciwîyena. Bi taybetî serewedaritişê Sêx Seîdî tesîrê keyeyê aye kerdbi.

Gerîla Amara serra 2014î de tewra gerîlayan bena. Amara armancê tewrbîyayîşê xo wina ana ziwan: ''Seba ke ez wayîra erjanê xo bivejîya tewra partîye bîya. Mi hîsê rindbîyayîşî têgêrayîşê embazanê xo de dî. ''

Gerîla Amara têkoşînê xo yê azadîye waranê azadan de kena û resena îradeyê raştikênî. Amara qala rojanê têkoşînê xo wina kena:

''Merdimî seba şiknayîşê tecrîdê vera Rayberîye çiqas şer bikerê hende nêzdîyê azadîye benê. Sey şerwana Rayberîye ez prosesî ra biba cewab, cuya winasêne seba mi hêzo tewr bingeyî bi. Ez do wezîfe û erkanê ke kewenê mi milî bîyara ca. Partîye de tewr zaf ercnayîşê cinîyan ê Rayberîye tesîrê mi kerd. Ganî şarê ma her ca de vera polîtîkayanê dişmenan hîna zaf tedbîran bigêro. Çunke ganî nê erjî, no tarîxo qedîm bêrê pawitene û wayîrvejîyayene. Seba ke ez wayîra erjanê şarê xo bivejîya, pê pêro hêzê xo yo ke qerardarîya Rayberîye ra yeno ez do şarê xo bipawa. Ez do biba raywana raştîye. Çîyo ke ruh dano merdiman perwerde yo. Mi çend Rayberîye wende ez xo hende nêzdîyê azadîye hîs kerde. Merdimî têna pê cuya partîye eşkenê xo sîstemî ra bixelisnê. Mi bi xo cuya raştikêne û azadîye nê koyan de dîye.''

Gerîla Amara Serhat Herêmanê Pawitişî yê Medya de hêrişêkê hewayî yê dewleta tirke ya faşîste de 27ê nîsana 2017î de tewra karwanê şehîdan bena.