Beşîktaş de cinîyî ameyî pêser û şîdetê camêrdan û dewlete bi performansê dansî protesto kerd.

Dima ke cinîyî Kadikoy de ameyî pêser Beşîktaş de zî ameyî têhet û înan şîdetê camêrdan û dewlete bi performansê dansî ''Las Tesis'' yo ke rayberîya femînîstanê Şîlîyî de cîhan de vila bîyo, protesto kerd. Cinîyî meydanê Hayrettîn Barbarosî de hetê polîsan ra ameyî dormegirewtene. Cinîyan pêro pîya versîyonê tirkî yê deyîr ''Las Tesisî'' vate. Performansê dansê cinîyan ra dima cinîyan pîya goveng girewt û sloganê ''Ma bêbengê nêmanê, nêtirsenê, îtaat nêkenê'', ''Cinîye, Cuye, Azadîye'', ''Cinîyî pîya bihêz ê'' û 'Qetilkerdişê cinîyan polîtîk ê'' vatî.