Bexdad de bi şîarê ''Ma do bi îradeyê cinîya azade vera qirkerdişî têkoşîn bikerê'' konferasê cinîyan ame organîzekerdene. Konferanso ke bi hemkarîya TAJÊ Ame organîzekerdene serre ra zafêr cinîyî tewrê ci bîyî.

Temsîlkaranê rêxistinanê cinîyan ê Başûrê Kurdîstanî Konferansê Cinîyan ê Bexdadî ra dima eşkerayîyêke daye û seba qedînayîşê hêrişanê îşxalî yê dewleta tirke veng da.

Hemsereka Têgêrayîşê Azadîye yê Komelê Kurdîstanî (Tevgera Azadî) Tara Hisên eşkerayîye de qisey kerd û dîyar kerd ke dewleta tirke pê çeka kîmyewîye hêrişê koyanê Kurdîstanî kena, merdimanê sivîlan qetil kena û armanc kena ke Başûrî îşxal bikera. Tara  vat: ''Ganî terefê sîyasî û komelkîy girîngîye bidê veng û armancê cinîyan.''

Cinîyan ê êzidîyan ê Şingalî zî no mesaj da: ''Hêrişê îşxalî yê dewleta tirke yê vera Başûr, Iraq û Şingalî dewam kenê. Seba ke vera nê hêrişan bêtewir ê ma PDK û hukmatê Iraqî şermezar kenê. Ganî Iraq hêrişanê Tirkîya vindarnê û nêverdo ke planê Tirkîya ser bikewê.''