Endama Komelê Cinîyan ê Rojhelatê Kurdîstanî (KJAR) Peymane Vîyan bi wesîleya 8ê Adare Roja Cinîyan ê Kedkaran a Dinya ANFyî rê qisey kerd.

Vîyane xoverdayîşê cinîyan silam kerd û vat: ''Çalakîyanê 8ê Adare de cinîyan mesajê serewedarişî da û reyna mojna ke do qerardar têkoşînê xo bidomnê. Hinda cinîyî  zanê ke çiqas xo rêxistin bikerê hende lez ser kewnê. Badê erdlerzî cinîyan paştîdayîşo xurt ramojna. Cinîyan  8ê Adare kerde roja paştîdayîş û yewbînan rê wayîrvejîyayîşî. Rojhilat û Îran de cinîyan her ca açarna warê têkoşînî. Bedelê ci çi beno wa bibo cinîyan kuçeyî veng nêverdayî. Coka emser 8ê Adare goreyê serranê verênan cîya bi.

Cinîyan bi şorişê Jin Jiynan Azadî camêrdî zî kaş kerdî waranê têkoşînî. Na game raşta zî gamêka zaf muhîm a. Şorişê Jij Jiyan Azadî semedê Îranî bi darbêka girde. Dewleta Îranî seba ke nê şorişî bin bifîno destê ci ra çi yeno, keno. Polîtîkayanê dewlete ra wendakarê kênayî ameyî axûkerdene. Dewleta Îranî nê serewedaritişan ra zaf tersena. Pê axûkeridşê wendekaranê kênayan kenê ke qesasê Şorişê Jin jiyan Azadî bigêrê. Her cinî gerek vera hêrişan xo bipawo. Ma do sîstemê xopawitişî yê cinîyan xurtêr bikerê. Gerek ma her ca de xo bipawê. Ma do na serre Rojhelat û Îran de bikerê serra serkewtişî.''