Gerîlaya YJA-Starî Çîyajine Cefaneyî şaristanê Mem û Zîne de Cizîre de dadîya xo ra bîya û uca de Têgêrayîşê Azadîye yê Kurdîstanî şinasna. Çîyajine bi vengdayîşê Rayber Apoyî serra 2014î de tewra destanê Kobanê bîye.

Wexto ke Kobanê de şer qedîya Çîyajine nareye zî verê xo da koyanê Kurdîstanî û reya verêne ameye cenetê rindîyan Heftanîn. A hema zî Cengê Heftanîn de sey gerîlayêka YJA-Starî vera îşxalkeran xo ver dana.

Çîyajine wexto ke mi aye reyde roporatj kerd qala têkoşînê cinîyan wina kerde: ''Sey yew cinîye tewrbîyayîşê Cengê Heftanînî cîya yo. Ma tîya de rojanê zor û zehmetan ra derbaz bîyî.  Şer û çerçewa ewnîyayîşî ya cinîyan tim cîya yê. Rêxistine ma sey domanan perwerde kerdî. Ma tîya de musayî ke cinîyî senî benê wayîrê îradeyê xo, senî payan ser o vindenê, senî pê xo hesîyenê. 

Cengê Heftanînî de hêverî embazanê cinîyan çalakîya taktîkîye kerde, hêverî înan da kobra ro. YJA-Star gir û mewzîyan de çalakîyanê pîlan keno. Gerîlayanê cinîyan wareyanê tewr zehmetan de zî şer kerd. Cengê Heftanînî de rengê cinîyan zaf bi eşkera. Dişmen bi taybetî hêrişê waranê cinîyan keno. Hêzê her cinîye esto ke pê ci proses bivurna. Ganî no nêro vîrkerdene. Têna ê gerîlayan nê hêzê cinîyan ê karmendan, keybanîyan zî esto. Ma sey gerîlayanê YJA-Starî Cengê Heftanînî de rayberîya awanîya newîye kerde û ma do naye ra pey zî wina bikerê.''