Cinîyan ê ciwanan ê kurdîstanijan û enternasyonalîstan ê Ewropa Têgêrayîşê Cinîyan ê Ciwanan ê Têkoşeran (TÊKO-JIN) rona. Komîteya ke 15 cinîyan ê ciwanan ra yena meydan, kombîyayîşê 2 rojan ra dima pê eşkerayîyêka çapemenîye ronayîşê têgêrayîşê TÊKO-JIN îlan kerd.

Cinîyan pê şîarê ''Pê ruhê Ronahîyan têkoşîno tarîxî-TÊKO-JIN'' kombîyayîşê xo kerdî.

Eşkerayîya cinîyan de nê çîyî ameyî vatene: ''Şerê mabênê demokrasîyî û sîstemê kapîtalîstî şexsê şarê kurdî û Raybe rApoyî de binê tedaya qirkerdişî de yo. Bi taybetî yeno waştene ke şexsê cinîyan de kultur, tarîx û komel bêrê çinkerdene. Komel ganî vera nê çîyan bi hawayêkê şorişgêrî têkoşîn bikero.

Ma nameyê cinîyan ê ciwanan, nameyê cinîyan ê kurdan, nameyê cinîyan ê enternasyonalîstan cuya ke ma rê yena ferzkerdene qebul nêkenê. Vera naye ma xo bi opyekûnî rêxistin kenê. Coka ma kombîyayîşanê xo ra dima netîceyê bitesîrî vistî destî. Netîceyê ke ma vistî destî nê yê:

Çarçewa paradîgmaya Rayber Apoyî de ma Têgêrayîşê Cinîyan ê Ciwanan ê Têkoşeran 'TÊKO-JIN' rona.

Heman wextî de çarçewa paradîgamaya Rayber Apoyî de ma faşîzm û faşîzmê serdestîya camêrdan  seba xo sey sebebê rêxistinbîyayîşî vînenê. Nê bingeyî ser o ma sey TÊKO-JIN reng û vengê cinîyan ê ciwanan ê.''