34 cinîyê gruba enternasyonalîtî ya ke vera komploya mîyanneteweyîye Lusembûrgî ra ray ra şinê Strasboûrgî, seba Leyla Guvena ke 99 rojî yo grevê vêşanîye de ya mektubêka paştîdayîşî şawite. Mektube de ame vatene, Guven seba înan raybera azadîye û vurîyayîşî ya û şexsê Guvene de çalakwananê grevê vêşanîye hemeyan silan kenê.

Mektuba cinîyanê enternasyonalîstan wina ya:

“Hevala ma Leyla Guvene!

Ma cininîyê  enternasyonalîst ê ke welatê Almanya, Norwêc, Katalonya, Portekîz, Swîsre, Bask, Îtalya, Fînlandiya, Şîlî, Kurdistan, Sardînya, Galîçya, Swêd, Madrîd, .Amerîka, Cezayîr-Kabîleyê ameyî têhet û seba Rayber Ocalanî Lusembûrgî ra ray ra şinê Strasboûrgî. Ma wazenê veng û îradeyê şima biresnê dinyaye û tecrîkerdişê Ocalanî biqedinê. Ma do nê têkoşînî heta azadîya Rayber Ocalanî bidomnê.

Ti seba ma hêvî û bedewîya ciwîyayîşî ya, hêzê îradê û bawerî ya. Waştişê to waştişê ma yê. Ti raybera serdemê neweyî û gama azadî ya. Bi grevê xo yê vêşanîye ti nîşanê ma da ke her çî bêîmkan nîyo û bawerîye da ma ke tarîxê azadîye eşkena newe ra bêro nuştene. To ramojna her kesî ke hîs û hişê cinîyan senî eşkena biba serkêşê vurîyayîşî. Ma nêpawenê ke hêzê hegemonîk ê dinyaye azadî û aşitîye bidê ma. Ma do sey to têkoşînkerdiş bimusa û têkoşîn bikerê. Şexsê to de ma çalakwananê grevê vêşanîye hemeyan silam kenê.

Eke ma seba amancê şima her ca nêbê bêveng , ma do qey bibê?  Nika nêbo ma key bo?

Tîya de yan zî cayêkê bînî de nêbo, do kotî de bibo?

Bêvengîye suc a! Ma nêwazenê bibê hempare nê sucî!

Xoverdayîş ciwîyayîş o!

Ya azadî, ya azadî!