Têgêrayîşê Cinîyan ê Îskandînavya hêrişê dewleta tirke yê vera Kampa Mexmûrî û qetilkerdişê 3 cinîyan ê kurdan Swêd, Norweç, Danîmarka û Fînlandîya de pê çalakîyanê cîyayan şermezar kerd.

Cinîyan pankartê seba wedaritişê ambargoyê Mexmûrî daliqnayî. Tay şaristanan de zî şûmşîn û pirdan de pankartî ameyî daliqnayene û ame waştene ke dewleta tirke Başûrê Kurdîstanî ra xo bianca. Cinîyan qiseykerdişê derheqê şermezarkerdişê qirkerdişanê dewleta tirke de medyaya komelkîye ser o pare kerdî.

Têgêrayîşê Cinîyan ê Îskandînavya zî venga pêro cinîyan da ke qirkerdişan şermezar bikerê. Têgêrayîşî eşkerayîya xo de îfade kerd ke nê wextî de ke pêro dinya vera vîrusê Korona têkoşîn kena dewleta tirke qirkerdişanê xo yê vera şarê kurdî dewam kena. Eşkerayîye Îdareyê Herême yê Kurdîstanî zî ame şermezarkerdene ke vera nê hêrişan bêveng o. Cinîyan ard ziwan ke ê qet bêbextîye qebul nêkenê. Cinîyan venga Neteweyanê Yewbîyayeyan û dezgehanê mîyanneteweyan da ke vera hêrişanê dewleta tirke ra wurzê û seba wedaritişê ambargoyê Mexmûrî têbigêrê.