Meclîsê Cinîyan ê PYD, MSD, Îdareyê Xoserî û Têgêrayîşê Kongreya Starî zî tede rêxistinanê cinîyan ê Rojawanî pê şîarê 'Têkoşînê ma garantîya şorişê cinîyan a' Qamişlo de pê eşkerayîyêke bernameyê 8ê Adare pare kerd.

Cinîyan da zanayene ke çalakîyê înan emser do çarçewa hesabwaştişê îşxalker û qirkeran de bêrê kerdene. Cinîyan vat: ''Ma do çalakîyanê xo de embazanê xo Zehra Berkel, Hebûne Mele Xelîl, Emîne Weysî, Leyla Agirî, Seda Feysel El Hermas, Hinde Letif El-Xidir û cinîyan ê şehîdan ê Til Rifatî yad bikerê û hesabê înan bipersê.''

Bernameyê çalakîyanê 8ê Adare wina yo:

-Çalakîyê 8ê Adare 23ê sibate de dest pêbikerê. Kongreya Starî 23ê sibate ra heta 28ê sibate qeza û şaristanan de semîneran bida. 

-8ê Adare de pêro kantonan de çalakîya rayraşîyayîşî bêra kerdene. 

-1ê adare de Şedad, Til Rifat û Şehba de bi beşdarîya Meclîsê Cinîyan ê PYDyî, Kongreya Starî û Meclîsê Kantonê Hesekê pê rayraşîyayîşêkê girseyî embazê ke hetê DAÎŞî ra kişîyayê do bêrê yadkerdene.  

-1-2ê adare de Qamişo de festîvale bêra serûberkerdene. 

-2ê adare de hêzê leşkerî yê Rojawanî rayîrî ra şorê. 

-3ê adare de seba cinîyan ê astengdaran semîner û çalakîyê hunerî bêrê kerdene. 

-4ê adare de do perwerde û semînerî bêrê dayene û rayraşîyayîş bêro kerdene. 

 -5ê adare de seba azadîya Abdullah Ocalanî çalakîyî bêrê kerdene. Qamişlo, Kobanê û Şehba de pêramotişan de fotografê Rayberê Şarê Kurdî bêrê mojnayene.

-6ê adare de warê Newroze yê Qamişloyî de şayîyê pîlî do bêrê kerdene. 

-8ê Adare de;  Meclîsê Cinîyan ê PYDyî dest pê rêxistinkerdişê kampanyaya 3 mengan bikero. Meclîsê Cinîyan ê Ciwanan pêro dibistan, zanîngehan de semîneran bido. Aktîvîyê cîya-cîyayî do bêrê kerdene. Çarçewa Kampanyaya '100 sebebê seba hukmkerdişê dîktatorî' de îmzayî bêrê arêdayene. Cinîyanê dinya rê mesajî bierşawîyê.

-10ê adare de Kevana Zêrîn do şayîyan bikera. 

-Seba cinîyan ê şehîdan leyî bêrê ronayene.  

 -Meclîsê Cinîyan ê Rojawanî do YPJ, Federasyonê Birîndaran, Sotoro, Mekezê Kanserî, Asayîşê Cinîyan, HPC-JIN zîyaret bikero.