Cinîyanê Swîsreyijan û Kurdan ra rayîrraşîyayîşêko femînîst

Swîsre de rayîrraşîyayîşê tradîsyonelî yê Şewa Femînîste emser bi îlhamo ke xoverdayîşê cinîyan ê Rojawanî ra gerîyayo, ame viraştene.

Paytext Bern de cinîyanê alternatîf-femînîstî yê Swîsre û Meclîsê Cinîyan ê Mizgînî bi hemparî Rayîrraşîyayîşê Cinîyan ê Femînîstan viraşt.

Rixmê şertanê xiraban yê hewayî bi desan cinîyî vera sîstemê zîhnîyetê camêrd, kapîtalîzm, tacîz û tecawuzî ameyî têhet.

Cinîyanê kurdan pankartê ‘Ma sîya gire nêdanê, sere wedarenê‘ û alayanê TJK-E û YPJyî kiriştî û bi slogananê ‘Cinî, Cuye, Azadîye‘ gêrayî.

Cinîyan kuçeyanê Bernî de bi slogananê ‘sîtemê camêrdî rê nê‘,  ‘ez çi biwazî gena piray­‘ û ‘ça biwazî şina‘ û bi deyîran vera hêrişê serê cinîyan hêrsê xo ard ziwan û mesajê berzkerdişê mucadeleyî dayî.