Cinîyan ê xebatkaran ê Baxçeyê Hewselî ra waştişê bazarî

Hemşaredara Sûrî Fîlîz Bûlûttekîne cinîyê ke  zerzewatê Baxçeyê Hewselî yo ke bi destanê xo ramenê û roşenê zîyaret kerdî. Cinîyan Bûlûttekîne ra waşt ke înan rê bazerêk bêro awenkerdene.

Hemşaredara qezaya Sûrî ya Amedî Fîlîz Bûlûttekîne bi cinîyanê ke Baxçeyê Hewselî de berardişê zerzewatî kenî û mahsulanê xo verê Goristanê Berê Mêrdînî de roşenê, zîyaret kerdî.

Bûlûttekîne û cinîyê ke ameyî têhet, demêko derg derheqê problemanê înan de qisey kerd. Cinîyan hemşaredare Bûlûttekîne dawetê Baxçeyê Hewselî kerd û aye ra waşt ke wa semedê înan bazarêk abikerê. Bûlûttekîne vat ê do wextêko tewr kilm de waştişê cinîyan bica bîyarê û Baxçeyê Hewselî zîyaret bikerê.