Têgêrayîşê Cinîyan ê Azadan (TJA) û Meclîsê Cinîyan ê HDPyî seba ke bale biancê tecawuz û kişîyayîşê cinîyan eşkerayîyêke daye. Çalakîye verê bînaya rêxistina HDPyî ya qezaya Rezanî de ameye kerdene û çalakîye de pankarta bi nuşteyê ''Vatişê ma yo bêvatiş, hêzê ma yê vurnayîşî esto'' ameye akerdene.

Hemsereka HDPyî ya Rezanî Fatma Kavmaz îfade kerd ke serebûtê kişîyayîşê cinîyan wextê peyênî de zêdîyayî û da zanayene ke ê do têkoşînê vera tecawuz û şîdetê serê cinîyan ra fek vera nêdê. Peynîya çalakîye balonê ke cinîyanê tepişteyan û merdeyan temsîl kenê ameyî pernayene.