Rayberîya Rêxistina Cinîyan ê Azadan ê Kurdîstanî de saetanê şanî de cinîyê Başûrê Kurdîstanî Kuçeyê Seholekeyî yê Silêmanî de kom bîyî û hêrişê cînsî û tecawuzê vera cinîyan û îşxalê dewleta tirke yê vera Kurdîstanî protesto kerdî.

Çalakîye de pankartê bi nuşteyê 'Pawitişê erd û welatî pawitişê dadî yo', 'Tecawuzê vera cinîyan, tecawuzê vera welatî yo' akerdî.

Baxê Giştî de dezgehanê cinîyan ser o Wijdane Nûredîn Necmedîn eşkerayîyêke daye û vat: ''Dewleta tirke binê nameyê herêma biasayîşe de wazena baregehanê xo Herêma Kurdîstanî de ca bikera û Başûrê Kurdîstanî îşxal bikera.''

Wijdane peynî de îfade kerd ke hêrişê ke yenê kerdene vera destkewteyanê kurdan ê û venga pêro beşanê komelê kurdî da ke bibê yew û vera îşxalê dewleta tirke wurzê payan ser.''