Endamanê Yewîya Cinîyan ê Ciwanan a Herêma Firatî derheqê şerê gerîlayan ê vera dewleta tirke de ANFyî rê qisey kerd.

Îdareyê Yewîya Cinîyan ê Ciwanan a Herêma Firatî ra Firyale Temî xoverdayîşê gerîlayan selam kerd û vat: ''Ma asta Kurdîstanî de seferberîye îlan kerde, ma tim hetê xoverdayîşê gerîlayan de yê.  Seba azadîya Kobanê ma deyndarê gerîlayan ê. Ma do bi ruhê seferberîye qetî ser bikewê û Kurdîstanêkê azadî de bi azadî biciwîyê. Ma venga pêro cinî û ciwananê Kurdîstanî danê ke wa tewrê hemleya seferberîye bibê.''

Komîteya Ciwanan a Kantonê Kobanê ra Dîcle Hesen zî şerê gerîlayan selam kerd û vat: ''Ma venga pêro cinîyan danê ke wurzê payan ser, wayîrê xoverdayîşê gerîlayan vejîyê û seba azadkerdişê Rayber Apoyî bêveng nêmanê. Heta serkewtişî ma do tim waran de bibê û çalakîyan bikerê.''

Endama Cinîyan ê Ciwanan Helîme Ehmed îfade kerd ke xayînîya keyeyê Barzanîyan a vera kurdan nêna qebulkerdene û vat: ''Serkewtiş do tim ê gerîlayan bibo. Ê se kenê wa bikerê, kurdî peynî de qetî do ser bikewê.''