Şorişê Rojawanî ra dima cinîyî her ke şino benê xurtêr. Cinîyî pê rayîrê komun û meclîsan xo rêxistin kenê û rayberîya komelî kenê. Na çarçewe de dima ke herêma El Kesra ya Dêrazorî ameye azadkerdene, Komunê Şehîde Muhenede Ilewî bi cayê rêxistinbîyayîşê cinîyan. Nika Dêra Zorê de 23 komunê cinîyan estê. Nê komunî keyeyanê xizanan rê hetkarîye kenê.

Îdarekara Komunê Şehîde Muhenede Ilêwî Muna Ramazan El Helef îfade kerd ke cinîyî azadbîyayîşê herêmanê xo ra dima hîna azad bîyî. Muna vat: ''Cinîyan bi lezî xo rêxistin kerd. Pê rayîrê komunan warê xopawitiş, perwerde û weşîye de hîşyar bîyî. Ma cinîyan rê ke destê DAÎŞî ra xelisîyayî semînerê taybetî dayî. Ma meseleyê cinîyan eşkera kerdî û çareserîyê înan peyda kerdî. Ma hîşmendîya serdestîya camêrdan şiknaye. ''

Endama Komunê Şehîde Muhenede Ilêwî Saîde Ehmed zî vat: ''Hema zî tesîrê cergan herême ser o esto. Ma hêverî xîret kenê ke na hîşmendîye çin bikerê. Eke cinîyî azad bibê komel zî azad beno. Coka ma seba cinîyan xebatan kenê. Komunî cinîyan îstîhdam kenê. Heta nika 250 cinîyan pê rayîrê komunan xo rê kar dî.''