Meclîsê Cinîyan ê HDPyî derheqê Meleke Îpek de eşkerayîyêke daye ke Meleke tim maruzê şîdet û îşkenceyê mêrdeyê xo Ramazan Îpekî dî û xo û domanê xo vera ey pawitî.

Eşkerayîye de ama vatene ke Meleke neçare mende ke xo û domananê xo bipawa û bi seyan cinîyê sey Meleke her roje maruzê şîdet û qirkerdişî manenê.

Meclîsê Cinîyan vist vîrî ke vergumano verên ê qirkerdişê Aleyna Çakir Umîtcan Uygun têna 'xebitnayîşê konduxî' ra tepişîya. Meclîsê Cinîyan ard ziwan ke sûcê vera cinîyan bêceza verda dîyenê û coka camêrdî her roje sûcêkê bînî kenê.

Meclîsê Cinîyan vat: ''Ganî Meleke Îpek cade bêra veradayene. Ma venga pêro cinîyan danê ke seba edaletê raştikênî û Meleke Îpek têkoşîn bikerê.''