Rêxistina Şaristanî ya HDPyî ya Amedî seba konferansêkê di rojan serûber kerd.

Konferansê Cinîyan ê Şaristanî yê HDPyî bi sloganê ''Ma seba azadîye isrardar ê, seba têkoşînî qerardar ê'' dest pêkerd.

Konferans de ke Salona Konferansî ya Vedat Aydinî ya bînaya partîye de ame kerdene parlamenterê HDPyî Remzîye Tosun, Dersime Dag û temsîlkarê DBPyî, KCDyî, ESPyî, Meclîsê Mayanê Haştîye, endamê Heyetê Rayberişdişî yê HDPyî û Meclîsê PArtîye, aktîvîstê TJA amade bîyî. Hemsereka Şaristanî Hulya Alokmen cinîyê ke 5ê çileyê 2015î de Sîlopî de û 9ê çeleyê 2013î de Paris de ameyî qetilkerdene yad kerdî. Alokmene sîyasetmedarê cinîyî yê tepişteyî ard vîrî û vat ke ê bi pêro hêzê xo yo ke embazanê xo yê tepişteyan ra girewtî têkoşîn kenê. Konferanso ke çapemenîye rê girewte yo dewam keno.