Cinîyê Minbicî pê xebata kolektîfe kenê ke azadîya xo ya ekonomîke bivisnê destî. Minbic de ke çimeyo sereke yê debarî zîret o cinîyî pê xebata kolektîfe berheman arê danê. Cinîyê ke tewir bi tewir sebzeyê ramenê pê sîstemê xo debarê xo kenê.

Cinîyî saeye 06:00 ra heta 11:00 xebitîyenê û 200 lîraya Sûrîye gênê. Çarçewa tedbîranê vîrusê Korona de her hêga de tewr zaf 10 kesî xebitîyenê. Dewa Yatsê ra Safîye Ahmed vat: ''Ez hamnan û zimistan tim hêgayan de xebitîyena, pê xebeta kolektîfe debarê xo kena.''

Citkara bi nameyê Hurîye Huseyîn Beşîr zî vat: ''Ma pê zîretî debarê xo kenê. Ma zîretî ra ber nêeşkenê sewbina karêk bikerê.''