Gerîlaya YJA-Starî Besra Roj bi wesîleya 8ê Adare Roja Cinîyan ê Kedkaran a Dinya ANFyî rê qisey kerd.

Gerîlaya YJA-Starî Besra Roj vat: ''Asta azadîya cinîyan hewceyê hişmendî û qanûnan nîyo. Eke cayêk de mezg û fîzîkê cinîyan ameyo îşxalkerdene, çew nêeşkeno qala demokrasî bikero. Vera nêzdîbîyayîşê komelkî yê bi serwerîya camêrdan newe ra keşfkerdişê xozaya cinîyan, awankerdişê fikrê komel û xoza babetêka girîng a. Cinîyî hetê tarîxî ra goreyê şert û mercanê xo, têdûştîye, parekerdiş û demokrasî pawenê. Cinîyê ke bi raştîya xo ya tarîxîye serwert bîyê, seba înan zehmet nîyo ke îdeolojîya sosyalîzmî reyde bibê yew û tesdîq bikerê. Coka cinîya seserra 21. de hîna zêdêr nêzdîyê serkêşîya sosyalîzmî yê.

Coka cinîyî ganî her warî ke tede yê bingeyê rêxistinîye ronê. Cinîya rêxistinbîyaye komel û welato azad o. Cinîyî bi nê hawayî xurt benê. Her kesî ra zêdêr nika cinîyî hewceyê demokrasî yê. Felsefe û îdeolojîya têgêrayîşê cinîyan pêro azadîwazan rê bîyê hêvî. Cinîyê şorişgêrî yê enternasyonelî felsefeya Rayber Apoyî de xelisîyayîşê xo vînenê. Na îdeolojî pêro cinîyanê dinya rê bîya hêvî.''