Remzîye Saîde ke Sûra Amedî de ronîşena, bi tehmê weşî yê nanê tenûre yena nas kerdene. Saîde 4 serrî yo bi pewtişê nanê tenûre hem edetê kurdî dana ramitene, hem zî debara xo kena.

‘CINÎYÎ EŞKENÊ HEME GUREYAN BIKERÎ’

Saîde bale ante muhîmîya xoserîya cinîyan ser û wina va: “Ganî cinîyî bixebitî, linganê xo ser o bivînderî û muhtacê camêrdan mebî. Eke cînîyî biwazî her qeyde eşkenê debara xo bikerî. Ez karê xo ra zaf qezenç nêkena, la ez muhtacê ti kesî nîya, no mi rê bes o. Pero bîn de ez kulturê xo ganî tepişena. Xora zafaneyê şarê Sûrî nanê tenûre tercîh keno. Sey her gureyî zehmetîyê nanê tenûre zî estî, la ez gureyê xo ra zaf hes kena. Ez gureyê xo kena û minnetê ti kesî nêkena.”

Remzîye Saîde cinîyan ra waşte ke wa keye dê mevinderî û wina dewam kerde: “Wa yew cînîye zî mevajo tiway mi dest ra nîno. Cînîyî ganî bixebîtî û camêrdan ra girêdaye nêmanî. Eke ma cinîyî biwazê çîyêk bikerê, ma bi serkewtişî kenî. Xebitîyayîşê cinîyan seba xoserîya înan gamêka girde ya û ganî na game helêk cuwaver bêro eştene.