Seba vîrameyîşê Sakîne Cansiza ke 9ê çeleyê 2013î de paytextê Fransa Paris de ameye qetilkerdene festîvale yena kerdene. Festîvala 7. a emserîne şaristanê Zurihî yê Swîsre de ameye kerdene.

Festîvale her serre menga hezîrane de yena kerdene la emser rîyê janî ra taloqê tebaxe bîye.

Çarçewa festîvake de sere de cinîyê kurdî xeylêk cinîyî ameyî têhet. Vinîyan bale ante qirkerdiş, tacîz û tecawuzê cinîyan û domanan ser. Festîvale de nameyê Têgêrayîşê Cinîyan ê Kurdan ê Swîsre ser o qiseykerdişêk ame kerdene.

Festîvale de Xecê, Leyla Koçhun, Sîlbûs û Tarî, Nûarîn û hunermenê TEV-ÇANDî vejîyayî sehne ser. Seba domanan zî kargehê xêzkerdiş û boyaxkerdişî ronîyayî. Festîvale de cil û kincê neteweyî yê cinîyan ê kurdan ameyî mojnayene. Seba agahdarkerdişê têkoşînê kurdan zî standêk ame akerdene.

Nameyê Têgêrayîşê Cinîyan ê Kurdan ê Ewropa ser o Besîme Konca zî qisey kerd. Konca 15ê Tebaxe fîraz kerd û vat: ''Xoverdayîşo ke ewro cinîyê kurdî danê dewamkerdene mîrasê Sakîna Cansiz a ke ma rê mendo. A bi têkoşînê xo seba cinîyan ê kurdan û cinîyanê dinya bîye mîsalêk.''

Festîvale bi govendan dewam kerd.