Cînîyê ke qezaya Kadîfekale ya Îzmîrî de dezgehê de xabitîyenî, bi viraştişê cacim û çenteyan wazenî îdareyê xo bikerî, la nê  goreyê emegêko danî qezenç nêkenî.

Nê cinîyan ra Fîkrîye Tabare ke sebebanê ekonomîkan ver 35 serrî cuwa ver Mêrdîn ra bar kerdo şîya Îzmîr, 20 serrî yo çenteyan virazena. Tabere dîyar kerde ke xora înan nê karî ra goreyê emegê xo qezenç nêkenî nê di serranê peyênan de krîzo ekonomîke ver karê înan hîna xirab bîyo. Tebere wina va: "Demo peyên de kes tiway nêherîneno. Roje esta ke ma çîyêk nêroşenî. Layê ma helisîyenî, çenteyê ke ma viraştî, ma dest de mendî. Xora ma zaf xebitîyayêne, tay qezenç kerdêne. Nika o zî çin o. Ma bêkar mendî."

Cînîya bi nameyê Arabî K.ye zî Mêrdînî ra ya û 75 serrî ya. Aye zî rixmê zaf emegdayîşî tiway qezençnêkerdiş ra lome kerde û wina va: "Ez seba viraştişê cacimêk 20 rojî, ge-ge zî aşmêk emeg dana la vera naye de tay qezenç kena. Emegê destê ma zaf erjan o. Ez nêzana qey la nika turîstî nînê Kadîfekale. Cok ra cacimê ma nêroşîyenî û ma naye ra tengayî ancenî."