Vizer polîsanê tirkan wextê ablûqaya ver bînaya HDPyî de Wekîle Ayşe Acar Başarane rê heqaret û tehdîtî kerdbî.

'Cinîyî Pîya Bihêz ê' derheqê babete de eşkerayîyêka nuştekîye daye. Eşkerayîye de ame vatene ''Ayşeya ke polîsan tira vat ê do aye mix bikeerê, embaza ma ya têkoşînî ya! Ma vera tedaya dewleta camêrdî pîya yê, pîya bihêz ê. Gefê ke Ayşe rê ameyê wendene, gama peyêne ya hêrişkerîya dewleta camêrdî ya. Çalakîyanê ma yê seba Peymana Îstanbulî de, 8ê Adare de, şewanê femînîste de, 25ê Teşrîna Peyêne de Ayşe ma reyde xo ver da. Ma do cewabê polîso ke Ayşe rê vat 'ti kam a' bidê. Ma polîsî rê nêvanê ti kamî. Çunke ma polîsî şinasnenê. ''