Rêxistina HDPyî ya Îstanbulî vizêr hêrişê polîsan ê vra Merkezê Pêroyî yê HDPyî û heqaret û gefê vera Vervatoxa Meclîsê Cinîyan Ayşe Acar Başaran bi eşkerayîyêke şermezar kerdî. Wekîla HDPyî Zuleyha Gulum, Fîlîze Kerestecîoglu, Erol Katircioglu, xeylêk partîyê sîyasî û temsîlkarê dezgeh û rêxistinan tewrê eşkerayîye bîyî.

Eşkerayîye ra verî polîsan verê bînaya HDPyî girewt û xîret kerd ke girseyî asteng bikerê. Rixmê pêro astengîyan zî girseyî apey gamêke nêeeşte û bi sloganê 'Şima bi tedayan, pê ma nêeşkenê', 'Cinîye,Cuye, Azadîye', 'Biciwîyo Xoverdayîşê HDPyî' vatî. 

Hemserekê HDPyî yê Îstanbulî Ferhat Encuyî eşkerayîye de qisey kerd û vat: ''Polîsan xîret kerd ke merkezê ma de ma asteng bikerê. Ganî baş bêro zanayene ke HDP vera faşîzmî sereyê xo nêrardo war û do nêaro. Bêvengîya vera nê hêrişî yena manaya hemkarîye. Na partî, partîyêka sîyasî, azadîye, haştî û têdûştî ya. Destê xo partîya ma ra bigêrê.''

Wekîle Zuleyha Gulum vat: ''Şima se kenê bikerê nêeşkenê rijîyayîşê îqtîdarî û hemkarîya xo ya bi cergan û mafyayan binimnê. Şima do nêeşkê binkewtişê îqtîdarê xo bidê vindertene.''

Platformê KESKî yê Îstanbulî, Kaldiraç, SODAP, EHP, SKYP û Partîya Şoreşgêre dima qisey kerd û vat: ''Rayîr medê hêrişanê vera HDPyî.'' 

Çalakîye pê sloganan qedîyaye.