Hêrişê vera ciwanan bi taybetî vera ciwananê kurdan bêmabên dewam kenê. Wekîla HDPyî ya Amedî Dersime Dag derheqê hamleya newîye ya têkoşînî de ke vera nê hêrişan dest pêkerde, ANFyî reyde qisey kerd.

Dersime îfade kerd ke kerdişê faşîstî zêdîyayî la nê serebûtan hetê îqtîdarî ra yenê peygoşkerdene, bi taybetî hêrişê vera şehîdgehan dişmenîya vera kurdan mojnena. Dersime da zanayene ke vera nînan têkoşînê ciwanan bi hean qerardarî dewam keno.

Dersime vat: ''Îqtîdar dînamîzm û hêzê têkoşînî yê ciwanan ra terseno. Bi mîlyonan ciwanî perwerdeyê pê ziwanê dayîke ra yenê dûrvistene, dest nîyeno perwerdeyê înan ser û hesabê înan ê banka ser. Dewlete wazena ciwanan pê xizanîye terbîye bikera. Ciwanî benê hedefê teda û şîdetî, yenê krîmînalîzekerdene.  Na rewşe hetê ma ra nêna qebulkerdene. Ma do vera ci xoverdayîşê xo xurt bikerê. Ganî ciwanî bêveng mebe, vengê xo berz bikerê, sereyê xo wedarê. Oyo ko ma tira berpirsîyar ê têkoşîn û xoverdayîş o.

Meclîsê Ciwananê HDPyî vera faşîzmî dest pê hamleyêka newîye kerde. Vera sîstemê faşîstî, seba azadîye, ameyoxî, şexsîyetê ma, tarîx, kultur, akademî, ziwan û edaletî ma venga ciwanan danê ke têbigêrê û tewrê na hamle bibê. Pê têkoşşînê hemparî ganî no îqtîdar bêro rijnayene û peynîya tarîtîye bêra ardene. Seba azadîye, perwerdeyê bêpere yê pê ziwanê dayîke, dinyayêka ekolojîke, cuyêka demokratîke û têdûşte wa ciwanî têbigêrê û vera faşîzmî têkoşînê hemparî bikerê.''