Wendekara Zanîngehê Munzurî Gulîstane Doku 5ê çeleyî ra nata Dêrsim de vînbîyaye ya û tira xeberêke nêna girewtene. Dadîya aye Bedrîye Doku pê vilakerdişanê medyaya komelkî persa ke kênaya ci çira 100 rojî yo ke nêdîyaye. Bedrîye Doku hesabê medyaya komelkîye ya kênaya xo de eşkerayîyêke daye û venga her kesî da ke wa hîsger bibo.

Bedrîye Doku vist vîrî ke 100 rojî yo ke kênaya ci vînbîyaye ya û vat: ''Ewro roja 100. ya ke kênaya mi vînbîyaye ya. Ez 100 rojan ra nata şewe û roje bermena. Ez venga wayîranê domanan kena ke destê xo berê wijdanê xo û destê şima ra çi yeno bikerê.''