Dayîke Bedrîye Doku û waye Aygul Doku yê Gulîstane Doku yê ke vizêr ameybî destbnedkerdene badê veradayîşê ewro pîya bi babîyî Halît Dokuyî Meydanê Seyîd Rizayî de çalakîya xo rê dewam kerde.

Komîsyonê Seba Gulîstane Doku Edalet, Platformê Cinîyan ê Dêrsimî, Parlamentera HDPyî Dilşate Canbaz û xeylêk sîyasetmedar û temsîlkarê dezgehanê komelê sîvîlî zî semedê paştdayîşî tewrê çalakî bîyî.

Waye Aygul Doku hêrsê xo ard ziwan ke tehqîqat de îfadeyê şikdar Zainal Abarakovî nêameyo girewtene la ê sey sûcdaran erdî ra ameyî kaşkerdene û destbendekerdene. Doku vat serdozgerîye înan rê eşkerayîyêke deyndar o. Dayîka Gulîstane Doku Aygul Doku zî  vat hînî dejî ra halê mi nêmed, kênaya mi bivînê. Badê qiseykerdişan keyeyê Doku dest pê çalakî kerde.

Wa şikdar Zainal Abarakov bêro hukmkerdene

Hetê bînî ra Îstanbul de zî cinîyanê ke semedê protestokerdişê destbendkerdişê keyeyê Gulîstane Doku çalakîyî kerde vat ê sey cinîyî do Gullîstane Doku bivînê. Cinîyan waşt ke wa semedê vînayîşê Doku xebatê cigêrayîşê bêrê domnayene û şikdar Zainal Abarakov bêro hukmkerdene.