Wekîlê DEM Partî yê Îstanbulî Sirri Sureyya Ondero ke heyetê Îmraliyî de ca geno bîn şewe bi sebebê nêweşîya qelbî wedarîya Nêweşxaneyê Florence Nightingale yo ke qezaya Şişli ya Îstanbulî de yo.

DEM Partî  da pêhesaneyne ke seba ke damara Aortî ya Sirri Sureyya Onderî de dirnayîş est o, mudaxaleyo cerahî dewam keno û vat rewşa Onderî giranîya xo pawena.

Eşkerayîya DEM Partî de ame vatene ke Hemserekê Pêroyî yê DEM Partî kewtê rayîrê Îstanbulî û ca dîya nînan: "Hemserekê ma, wekîlê ma, îdarekarê partîya ma nêweşxane de prosesî nizdî ra teqîp kenê. Wezîrîya Weşîye û Walîtîya Îstanbulî nizdî ra eleqedar benê. Ondero ke cuyeya ci bi têkoşîn û xoverdayîşî ravîyarte ma pê bawerê ke nê zî xo dima biverdo. Ma her kesî rê spas kenê ke semedê Onderî ameyî verê nêweşxaneyî û rewşa ey perysene.''

Wekîla DEM Partî û Endama Heyetê Îmraliyî Pervîne Buldan, avûkatanê Buroyê Huqûqî yê Asrinî ra Ozur Faik Erol, wekîlê DEM Partî, Serekê Pêroyî yê TÎPî Erkan Baş û xeylê temsîlkarê partîyanê sîyasîyan, sendîka, dezgeh û sazgehan verê nêweşxaneyî de ameyî têhet.

Walîyê Îstanbulî Davut Gul, Mudirê Weşîye yê Îstanbulî serhekîmê nêweşxaneyî û rektorê unîversîte zî nêweşxane de pawenê.