MHPyî bi wesîleya Roşanê Qurbanan DEM Partî zîyaret kerde. Hetkarê Serekê MHPyî Sadîr Durmaz, Serşêwirmenda Serekê MHPyî Dç. Dr. Esma Ozdaşli û Endamê MYKyê MHPyî Şahîn Kartal şi zîyaretî. DEM Partî ra Hetkarê Hemserekan Ruştu Tîryakî, Endamanê Meclîsê Partîye Zeyno Bayramoglu û Îhsan Seylanî heyetê MHPyî pêşwazî kerd.

Durmazî zîyaret de ard ziwan ke wa roşan bibo wesîleya haştîye û wayûbiratîye.

Tîryakîyî pare kerd ke ê do paştî bidê prosesê haştîye û eke meseleya kurdan çareser biba Tirkîya do bihêz biba.

Dima DEM Partî ra Endama MYKyî Cemîle Turhalli Balsak û Endama Meclîsê Partîye Fatma Koçyîgît Oner MHP zîyaret kerd.

MHPyî ra Zulkuf Koçarî zîyaret de vat ke ganî her kes prosesê demokrasî û haştîye vejîyo û Meclîs de komîsyonêk bêro awankerdene.

Hetkara Serekê MHPyî Zuhal Topçu zî îfade kerd ke cayê çareserîye Meclîs o û ganî Meclîs de proses aver şoro.

Heyetê DEM Partî Partîya Gelecekî zî zîyaret kerd.