26ê hezîrane de çarçewa operasyonê qirkerdişî yê vera KCDyî de sereştişê keyeyan de nuştoxa kurde Nesrîne Şanli ameye tepiştene. Serdozgerîya Komare ya Amedî derheqê Nesrîne de bi îdîaya 'endamîya rêxistine' îdîanameyê 55 rîpelan amade kerd.

Îdîaname de vatişê şahîdê nimiteyî yê bi nameyê Ezelî sey delîl ame mojnayene û pêvînayîşê telefonî yê Nesrîne zî sey delîl ameyî qebulkerdene. Nesrîne îdîaname de bi endamîya KCD û endamîya Komeleya Ziwanê Kurdkî yena sûcdarkerdene.

Goreyê 'îdîayanê bêbingeyîyan' ê Ezelî Nesrîne nameyê KJA ser o TJA de faalîyet kena, tewrê çalakî û aktîvîteyan bena. Nesrîne pawitişê xo de pêro îdîayî red kerdî. Derheqê Nesrîne de bi îdîaya 'endamîya rêxistine' 5 serran ra heta 10 serran cezaya zîndanî yena waştene. Îdîaname hetê Mehkemeya Cezaya Girane ya Amedî ra ame qebulkerdene. Roniştişo verên ê Nesrîne Şanli 30ê êlule de do bêro kerdene.