Koordînasyonê Cinîyan ê Ciwanan ê HDPyî çarçeweya 8ê Adare Roja Cinîyan ê Kedkeran a Dinya de Pirdê Dînarî yê Dêrsimî yo ke yeno îdîakerdene ke Gulûstane Doku tewr peynî  ser o ameye vînayene de eşkerayîye daye.

Cinîyan pankarta ''Dem demê ganîbîyayîşê cinîyan ê ciwanan o'' akerde û sloganê ''Cinî, cuye, azadîye'' û ''Gulîstane Doku ha ça?'' Eştî. Wekîla HDPyî Dersime Dag a pîya xeylêk kesî tewrê aktîvîte bîyî.

Wendekaranê Unîversîteya Munzurî ra Melîke Altintaş vist vîrî ke di serrî yo Gulîstane Doku ra xebere nîna girewtene ser û vat: ''Îqtîdar herinda vînayîşê Gulîstane de êyê ke aqibetê ci persenê muhakeme keno. Hêrişê dadî û babîyê ci kenê. Îqtîdarî bi qanûnan verê zewajê rewî akerd. Ciwanî yenê remnayene û înan rê ajanîye yena  ferzkerdene. Bi destbendkerdiş, tepiştiş wazenê vengê cinîyan ê ciwanan bibernê. No îqtîdar dişmenê cinîyan û kurdan o. Ma veng danê îqtîdarî yo ke tim raştê têkoşînî azadîye yê cinîyan yeno û mebûr maneno ke peyser game bierzo, ma do sey cinîyan ê ciwanan destûr mede ke şima polîtîkayanê vera cinîyan rayra berê. Ewro bi seyan hemrayê ma  cinîyê ciwanî seba ke têkoşînê azadîye reyra berd, zîndanan de yê. Zere, teber ça beno wa bibo ma do têkoşînî cameverdê. Vera polîtîkayanê şerî taybetî do têkoşînê ma dewam bikero. Ma do têkoşînê cinîyan ê ciwanan kenê yew û veng û serewedaritişê  cinîyan ê şingal û efrînijan heme dinya rê danê eşnawitene.''