Delegeyanê Kongraya 12. ya PKKyî ra Hemrîne Dersimî vat sey Gerîlayanê Azadîye yê Kurdîstanî nê prosesî de wezîfeyê muhîmî înan pawenê.

Hemrîne Dersim nê vatî: ''Ma kongreya xo ya 12. bi heyecanê pîlî kerde. Ma sey mîlîtananê partîyê xora hîsanê cîya cîyayan ciwîyenê. PKKyî mîraso pîl afirna, komelo ke çîn bibi afirna, bi keda pîle ya Rayber Apo û têkoşînê şehîdanê ma yê qeyhremanan û  şarê ma no mîras ame afirnayene. 52 serrî bêmabên her warî de têkoşîn ame kerdene. Şerrêko giran ame rayraberdene, ma dewaya têkoşînê azadîye de 45 hezar şehîd dayî. Her hetî ra bedelê giranî ameyî dayene. Coka têkoşîno xurt ame kerdene û ruho gird ame afirnayene.

Rayberîye vano PKKyî mîladê xo kerdo de û ma ra hinî mîsyonêko cîya wazeno. Sey mîlîtananê Rayber Apoyî ma rê name muhîm nîyo. Semedê ma mîraso ke ameyo afrinayene o muhîm o. Têna kurdî nê ewro dinya wayîrê mîrasê PKKyî vejîyena. Ma rê zî no esas o. Ma zanê ke ewro ra tepîya barê ma dahîna giran o. Îhtîmalo pîlo ke zorê şarê ma zî şino la seke mi vat mesele name nîyo; mesele aya ke ma senî eşkenê mîraso ke PKKyî afirnayo, dahîna xurtêr bikerê, senî eşkenê dahîna gird bikerê, senî dahîna zaf kede bidê. Gerek ma nînan bifikiryê.''