Platforme Cinîyan ê Dêrsimî vera hêrişê vera Komeleya Cinîyan a Rosa eşkerayîya çapemenîye daye.

Nuşate Yeşîla ke bi nameyê platformî eşkerayîye wend ard ziwan ke ê tim paştî danê Komeleya Cinîyan a Rosa û vat: ''Na têna komeleya Amedî nîya xîtabe heme herême kena. Embazê ma yê cinîyî şewe-roje mucadele kenê. Xora ma demo kilm de reyna nêzdîbîyayîşê hukmatî yê vera cinîyan dî. Bi betalkerdişê Pêkerdişê Îstanbulî înan rîyê xo mojna ma. Nê destbendkerdişî mojnenê ke ê senî cinîyan ra tesenê. Nê zextî nêeşekenê cinîyan mucadeleyê înan ra peyser açarnê.''